Ўзбекистонда кейинги UFC жангчилари кимлар бўлиши мумкин? Жасур Алижонов жавоб берди

"Ҳозирги вазиятда Хотамбек Бойназаров ва Фурқатбек Ёқубов. Шу спортчилар яқин бир йил ичида дунёнинг энг кучли Лигасига киради, деган умиддаман. Бундан ташқари, яна кўплаб ёш ва талантли спортчилар етишиб чиқяпти", деди Алижонов Olamsport.com муҳаррири Азиз Тўхтамуродов билан суҳбатда.

Маълумот учун, юқорида тилга олинмаган бўлса-да, ҳамюртимиз Достон Бозоровнинг бу йилги Дана Уайт даъвогарлар сериясида иштирок этиши кутилмоқда. Ҳозирда ўзбекистонлик аралаш яккакураш усталаридан Рамазон Темиров, Нурсултон Рўзибоев ва Богдан Гусков UFC'да жанг қилиб келмоқда.