UZ

Сўнгги янгиликлар

19:20Расман: "Андижон" собиқ устози "Бухоро"да иш бошлади 0 18:55Элшод Расулов Навбаҳор Ҳамидованинг финал жанги ҳақида: "Бу тенг кетаётган жангда боксчига психологик томонлама қаттиқ таъсир қилади" 0 18:29Жаҳон рейтингида 19-ўринни эгаллаб турган Шарифа Давронова ЖЧда 18-натижани қайд этди 0 18:04Канело: "Фаолиятимда эришиш мумкин бўлган барча ютуқларни қўлга киритиб бўлдим" 0 17:41Эшитдик-да! "Зўр ТВ" Чемпионлар Лигасини намойиш этади 0 17:15Руслан Абдуллаевнинг рақиби ўзгарди. Ҳамюртимиз энди Фазлиддин Ғоибназаровнинг собиқ рақиби билан тўқнаш келади 0 16:51Анвар Анваров учун Жаҳон чемпионати омадсиз кечди 0 16:23Мовсар Евлоев Диего Лопесга реванш беришга тайёр 0 15:56"Насаф"нинг халқаро майдондаги мағлубиятли серияси давом этмоқда 0 15:35Ренье де Риддернинг рақиби ўзгарди 0 15:08Жаҳон чемпионати: Лайлохон Собирова ўтиш босқичида мағлуб бўлди, Умиджон Жалолов бронза учун жанг қилади 0 14:40"Дима уни мағлуб этган бўларди" Биволнинг мураббийи — Кроуфордга қарши эҳтимолий жанг ҳақида 0 14:14"Насаф"нинг асосий ҳимоячиси "Ал Ҳилол"га қарши ўйнай олмайди 0 13:39Хамзат Чимаевга Грузияда Ferrari 296 GTB совға қилишди (ВИДЕО) 0 13:14Кайо Борральо Шара Буллетнинг ўрнига Пауло Коста билан жанг қилишга тайёр 0

25 мар 20:44
Янгиликлар

Токио-2020, Олимпия ўйинлари

Ўзбекистонда спортчиларнинг Олимпия ва Паралимпия ўйинларига тайёргарлик жараёнлари вақтинча тўхтатилди

Хабарингиз бор, айни кунларда дунё бўйлаб кенг тарқалиб бораётган ва инсоният саломатлигига катта хавф туғдираётган коронавирус пандемияси мамлакатимизга ҳам кириб келди.

Шу муносабат билан, 2020 йил 16 мартдан бошлаб Ўзбекистон Республикаси Жисмоний тарбия ва спорт вазирлиги тизимидаги барча таълим ва спорт муассасалари номаълум муддатга ёпилди. Шу билан бирга, мамлакатимиз ҳудудида ўтказиладиган барча спорт турлари бўйича Ўзбекистон чемпионатлари ва кубоклари ҳамда бошқа ички мусобақалар ҳам номаълум муддатга қолдирилди.

Халқаро олимпия қўмитаси томонидан Токио-2020 Олимпиадасини 2021 йилда ўтказиш бўйича якуний қарор қабул қилингандан сўнг Олимпия спорт турлари бўйича Ўзбекистон миллий терма жамоалари аъзолари учун ташкил этиладиган барча ўқув-машғулот йиғинлари расман 25 мартдан вақтинча тўхтатилди.

Бунгача мамлакат терма жамоалари аъзоларининг XXXII ёзги Олимпия ҳамда XVI Паралимпия ўйинларига тайёргарлик кўришлари учун уларга бириктирилган спорт базаларида режалаштирилган ўқув-машғулот йиғинларини ташкил этилган эди.

Лицензион мусобақаларнинг саналари аниқ бўлгунга қадар миллий терма жамоа аъзолари ўз уйларида индивидуал режа асосида машғулотларни мураббийлар томонидан ишлаб чиқилган кунлик тайёргарлик режалари асосида олиб борадилар.

Жисмоний тарбия ва спорт вазирлиги ва Миллий Олимпия қўмитаси томонидан ташкил этилган “Тезкор штаб” Миллий терма жамоа спортчиларининг индивидуал режа асосида кунлик машғулот ўтказишларини доимий тарзда мониторинг қилиб боради.

Бундан ташқари Миллий терма жамоа бош мураббийлари томонидан масофали машғулотлар онлайн тарзда олиб борилади ҳамда вазиятдан келиб чиққан ҳолда спортчиларни индивидуал ҳолатига қараб керакли маслаҳатлар бериб борилиши таъминланади.

Маълумот учун: Жисмоний тарбия ва спорт вазирлиги Ўзбекистон Миллий телерадиокомпанияси “Спорт” телеканали билан ҳамкорликда карантин даврида соғлом турмуш тарзига амал қилган ҳолда спорт билан шуғулланиб туриш борасида аҳоли учун тавсия шаклида махсус теледастурлар тайёрланиб эфирга узатилиши йўлга қўйилди. Хусусан, спорт тренерлари иштирокида уй шароитида қай тарзда машғулотлар олиб бориш бўйича маслаҳатлар акс этган 10 дақиқалик видеодарслар “Sport TV” телеканали орқали ҳар куни намойиш этиб борилаяпти.

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг