Ўзбекистонлик футболчи фаолиятини Шотландияда давом эттириши мумкин

"Ёш жамоамиз Суперлига гранд жамоалари билан тенгма-тенг ўйнамоқда, шу жумладан «Сурхон» Ўзбекистон кубоги плей-офф босқичига ҳам чиқди

Ҳеч кимга сир эмаски, жамоамизни нафақат мамлакат ичида, балки хорижда ҳам кузатиб боришмоқда. Июль ойида «Сурхон» Хитойга йиғин ўтказиш учун жўнаб кетди ва у ерда кўплаб футболсевар мухлислар жамоамизга мухлислик қилишди. Шунингдек, футболчиларимизни Европадан скаутлар кузатиб кела бошлади. Шу Жумладан, Шотландиянинг «Ливингстон» футбол клуби Достонбек Турсуновга қизиқиш билдириб, кўрикдан ўтиш учун футболчимизни Шотландияга таклиф қилди

«Ливингстон» Шотландия олий лигаси вакили бўлиб, 2022/23 мавсумида жамоа 6-ўринни эгаллаб олди. Шу жумладан, Шотландия чемпионатида «Селтик» ва «Глазго Рейнжерс» каби гранд жамоалар ҳам иштирок этади

Агар Достон Турсунов кўрикдан муваффақиятли ўтса, ва футболчимизнинг ҳаракатлари «Ливингстон» мураббийларга мос келса, Турсунов Шотландия чемпионатида фаолиятини давом эттириш мумкин. Бу билан бирга, тарихда илк маротаба ўзбекистонлик футболчи Шотландия чемпионатида тўп тепади",- деб хабар бермоқда «Сурхон» матбуот хизмати.