Ўзбекистонлик ҳакам – Жаҳон ареналарида адолат ва моҳирлик тимсоли!

Дунёнинг энг кучли рапира, сабля ва шпага усталари билан бир қаторда, Ўзбекистон Миллий терма жамоаси аъзолари ҳам ушбу йирик мусобақада муносиб иштирок этмоқда.

Айтиш жоизки, ушбу нуфузли чемпионатда юртимиз фахри – халқаро тоифадаги ҳакам Дилором Турдикулова энг ҳал қилувчи финал жангларига “Топ реферилар” таркибида ҳакамлик қилмоқда. Бу – нафақат юксак ишонч, балки Ўзбекистон спорт ҳакамчилигининг халқаро эътироф этилганининг яққол ифодасидир.

Спортда адолат – муваффақиятнинг юраги

Ўзбекистон – ҳалоллик ва маҳорат билан танилган юртдир. Дилором Турдикулова нафақат жаҳон чемпионатида, балки бундан аввал Балидаги Осиё чемпионати, қатор Жаҳон кубоги беллашувлари ҳамда Гран-При мусобақаларида ҳам ўзининг холислиги, профессионаллиги ва фидойилиги билан алоҳида ажралиб туради.

Айнан шундай масъулиятли фаолияти эвазига у Париж-2024 Олимпиадасида Осиё қитъасидан сараланган аёл ҳакам сифатида иштирок этиш шарафига муяссар бўлди.

Бу — бир инсоннинг меҳнати орқасида қандай чўққилар забт этилишини яққол исботидир. Дилором Турдикулованинг халқаро спорт майдонидаги ишончли, ҳалол ва илҳомлантирувчи фаолияти, айниқса унинг ўзбекона қадриятларга амал қилиб, қўллари кўксида, аввало таъзим қилиб чиқишлари нафақат спортчиларимиз, балки ёш авлод, айниқса аёл-қизлар учун ҳам намунадир.