Ўзбекистонлик шинкиокушинкай каратэчилар Марказий Осиёда биринчи бўлишди

Марказий Осиё давлатларидан келган 300 нафарга яқин шинкиокушинкай каратэчилар бир нечта ёш ва вазн тоифаларида ғолиблик учун татамига чиқишди. Халқаро мусобақада юртимиз шарафини Мутал Назаров бошчилигидаги NURHAS каратэ маркази тарбияланувчилари ҳимоя қилишди. 

Каратэчиларимиз 10 та олтин, 3 та кумуш медаллари билан умумжамоа ҳисобида Марказий Осиё давлатлари ўртасида биринчи ўринни эгаллашди. Рухшона Ҳамроева, Муҳаммадали Назаров, Муҳаммадсодиқ Бекулбеков, Олег Магдюк, Темур Эркинов, Мадина Рўзимова, Саида Рисқулова, Лайло Давронова, Одилбек Олимбоев ва Достонбек Шарипов ўз вазн тоифаларида олтин медалларни қўлга киритишди.  

Уч нафар спортчимиз - Озодбек Абдураупов, Абдулфайз Анваров ва Муҳаммад Амин Султонов кумуш медалларни қўлга киритишди.

Энди Ҳасан Назаров бошчилигида Ўзбекистон Шинкиокушинкай каратэ маркази "NUR-HAS" тарбияланувчилари 27-29 июнь кунлари Қозоғистон пойтахтида 30 га яқин давлат спортчилари ўртасида ўтказиладиган Аstana Open-2025 турнирида иштирок этишади. 

Шунингдек, 1-3 июль кунлари Венгрия давлатининг Сольнок шаҳрида ўсмирлар, ёшлар, катталар ва фахрийлар ўртасида ўтказиладиган жаҳон чемпионатида ҳам Мутал Назаров бошчилигида каратэчиларимиз юртимиз шарафини ҳимоя қилишади.  

14-23 июль кунлари эса пойтахтимизда халқаро семинар ўтказилиши режалаштирилган. Унда Қозоғистондан келган мураббий ва спортчилар халқаро тажрибаларини ошириб олишади.