Ўзбекистонлик теннисчилар Roland Garros Junior Series ярим финалида: Зинатулин ва Абдуллаев асосий мусобақа йўлланмаси учун курашни давом эттирмоқда

Чорак финал ўйинлари якунига кўра, ўзбекистонлик икки теннисчи Алан Зинатулин ва Акмал Абдуллаев ярим финалга чиқишди.

Ўғил болалар:

•  Алан Зинатулин Родион Трайгелга (Қозоғистон) қарши ўйинда ишончли ғалабага эришди — 6:3, 6:3. У кейинги босқичда Мансур Саинов (Қозоғистон) билан баҳслашади.

•  Акмал Абдуллаев эса ўзбекистонлик бошқа бир ракетка устаси Маҳмудбек Бекназаровни енгди — 3:6, 6:2, 6:0. У финал йўлланмаси учун Ансар Ниеткалиев (Қозоғистон) билан рақобатлашади.

Қизлар:

Аёллар ўртасидаги баҳсларда Ўзбекистон шарафини Кейра Ким ҳимоя қилди ва чорак финалга қадар етиб бориб, қозоғистонлик Адия Омарбекка имкониятни бой берди — 2:6, 4:6. Ўсмирлар теннисининг янги юлдузи энди бешинчи ўрин учун курашни давом эттиради.

Саралаш босқичининг финал ўйинлари 9 август куни бўлиб ўтади. Турнир ғолиблари 2025 йил октябрь ойида Японияда бўлиб ўтадиган Roland Garros Junior Series финал босқичига йўл олади. У ердаги ғолиблар эса Парижга – Roland Garros Junior Series 2026 мусобақасига йўлланма олади.