ЎзДЖТСУ университети профессор-ўқитувчилари хорижда малака оширмоқда

Хусусан, Ўзбекистон Республикаси Вазирлар Маҳкамаси ҳузуридаги Мутахассисларни хорижда тайёрлаш ва ватандошлар билан мулоқот қилиш бўйича «Эл-юрт умиди» жамғармаси томонидан Малака ошириш таълим дастури бўйича ўтказилган танловда университетнинг 9 нафар профессор-ўқитувчилари ғолиб деб топилди.

Ғолибликни қўлга киритган профессор-ўқитувчилардан 4 нафари, яъни ўқув ишлари бўйича проректор Гулсара Асатова, Кўпкураш спорт турлари факультети декани Баҳром Мусаев, Таълим сифатини назорат қилиш бўлими бошлиғи Анвар Ҳаётов ҳамда Илмий-педагог кадрлар тайёрлаш бўлими бошлиғи Абдумалик Шопўлатовлар жорий йил 11 ноябрдан 5 декабрга қадар Белорусь давлат жисмоний тарбия университетига иқтисод ва хизмат кўрсатиш соҳаси бўйича малака ошириш курсига юборилди.