27 апр 20:19
Янгиликлар

Кураш

ЎзДЖТСУда белбоғли кураш бўйича турнир ташкил этилди

Ўзбекистон давлат жисмоний тарбия ва спорт университетида белбоғли кураш бўйича хотира турнири ўтказилди.

Университетнинг Миллий кураш турлари назарияси ва услубияти кафедраси томонидан ташкил этилган мазкур турнир белбоғли курашни ёшлар орасида ривожлантиришга ҳисса қўшган фахрий профессор Нуршин Жуматов хотирасига бағишланди.

Мусобақада 100 нафардан зиёд ёшлар ўз вазн тоифаларида куч синашишди. Кучли учликдан жой олган полвонлар диплом, медаль ва эсдалик совғалари билан мукофотланишди.

Мусобақанинг тантанали очилиш маросимида ЎзДЖТСУ ректори Рашид Маткаримов, Ўзбекистон белбоғли кураш федерацияси раиси Равшан Дастиров ҳамда ЎзДЖТСУ Миллий кураш турлари назарияси ва услубияти кафедраси мудири Нуриддин Чоршаммиевлар иштирок этди.