ЎзДЖТСУда илмий салоҳиятни ошириш йўлидаги навбатдаги ҳаракат

Қабул кўрсаткичларининг ошиши сабаб университетда илмий салоҳиятни ошириш йўлида тинимсиз ҳаракатлар олиб борилмоқда. Сўнги 1 йил ичида олийгоҳда 1 нафар фан доктори (DSc) ва 17 нафар фалсафа доктори (PhD) илмий даражасини олиш учун диссертациялар ҳимоя қилди. 

Бугун мазкур ҳаракатларни янада жонланлантиришга амалий ёрдам бериш мақсадида Олий Аттестация Комиссия раиси Юсупов Аҳмадбек Тожиевич университетга ташриф буюриб, профессор-ўқитувчилар, доктарант ва илмий тадқиқотчилар билан учрашув ўтказди. 

Тадбирни университет ректори, профессор Махмуджон Болтабаев очиб берди. Шундан сўнг педагогика фанлари бўйича фалсафа доктори (PhD) илмий даражасини олиш учун диссертация ҳимоя қилган 3 нафар профессор-ўқитувчилар Навбахор Умарова, Фарход Махамаджонов ҳамда Лазиз Холмуродовларга диплом топширилди.  

Учрашувда А.Юсупов Олий ўқув юртидан кейинги таълим тизимида қатор ўзгаришлар режалаштирилганлиги тўғрисида таъкидлаб ўтди. Шунингдек, тадқиқотчиларга диссертация ишларини, авторефератларини расмийлаштириш тўғрисида тегишли маълумотлар берилди.

Йиғилиш сўнгида ОАК раиси Умматов Акром, Одилов Сарвар, Тожиев Музаффарларнинг авторефератларига ўз тавсияларини берди ва уларнинг ишига омад тилади.

ЎзДЖТСУ матбуот хизмати