ЎзДЖТСУда Касбий (ижодий) имтиҳонлар бошланди

2020-2021 ўқув йили учун Ўзбекистон давлат жисмоний тарбия ва спорт университетининг “Мактабгача ва бошланғич таълимда жисмоний тарбия ва спорт” ва  “Спорт фаолияти (фаолият турлари бўйича)” бакалавриат таълим йўналишларида 15005 нафар абитуриент касбий (ижодий) имтиҳон топширади.

Бу йилги касбий (ижодий) имтиҳонлар жорий йилнинг 3 сентябридан 

18 сентябрь санасига қадар ҳудудлар кесимида ўтказилади. 

Бугун андижонлик абитурентлар ўз касбий маҳоратини синовдан ўтказишди.

Касбий (ижодий) имтиҳонлар адолатли ва шаффоф ўтказилиши учун университет раҳбарияти ва масъуллар томонидан барча тайёргарлик ишлари кўрилган. Имтиҳон ўтказиладиган аудиторияларга камералар ўрнатилган ва имтиҳон жараёнлари тўлиқ ёзиб борилмоқда. Касбий (ижодий) имтиҳонлар карантин, санитария-гигиена талабларига қатъий риоя этилган ҳолда ташкил этилмоқда. 

ЎзДЖТСУ матбуот хизмати