21 дек 12:51
Янгиликлар

Бошқалар

Пара-каноэчиларимизнинг Беларусдаги ўқув-машғулот йиғини қизғин давом этмоқда

Теглар : Параканоэ

Пара-каноэчиларимиз Азиз Абдулҳабибов, Шаҳноза Мирзаева, Ҳайитмурод Шерқўзиев ва Ҳасан Қўлдошев Беларуснинг Брест шаҳрида янги мавсумга жиддий тайёргарлик кўришмоқда.

Спортчиларимиз Элдор Яхшибаев ва Артём Кармеев мураббийлиги остида машғулотларда қатнашмоқдалар.

Йиғин давомида Шаҳноза Мирзаева, Азиз Абдулҳабибов ҳамда Ҳайитмурод Шерқўзиев Токио-2020 баҳсларига тайёргарлик доирасида машғулот олиб бораётган бўлсалар, Ҳасан Қўлдошев Паралимпия ўйинларига йўлланма берувчи лицензион мусобақага ҳозирлик кўрмоқда.

Маълумот ўрнида, жорий йилнинг август ойида Венгриянинг Цегед шаҳрида ўтказилган Пара-каноэ бўйича жаҳон чемпионатида вакилларимиз Паралимпия ўйинларига 3 та йўлланмани қўлга киритишган эди.

Шаҳноза Мирзаева KL3 йўналишида олтин медаль ва Паралимпиада лицензиясини қўлга киритган. Азизбек Абдулҳабибов ҳамда Ҳайитмурод Шерқўзиев совринли ўринларга илина олишмаган бўлишса ҳам, Паралимпия ўйинларига йўлланма берувчи поғонада финишга етиб келишган эди.