Пара таэквондочиларимиз халқаро мусобақада эътироф этилди

Дунёнинг 30 га яқин мамлакатидан 200 нафардан ортиқ пара таэквондочи қатнашган мазкур мусобақада Ўзбекистон терма жамоаси аъзолари 3 та олтин, 2 та кумуш ва 3 та бронза, жами 8 та медалга сазовор бўлган ҳолда умумжамоа ҳисобида биринчи ўринни эгаллади.

Эътиборлиси, терма жамоамиз ушбу мусобақада умумжамоа ҳисобида биринчи ўринни эгаллашдан ташқари бир қатор номинацияларда ҳам эътироф этилди. 

Бобур Қўзиев - энг яхши мураббий;

Қудрат Муҳаммадиев - энг яхши эркак спортчи;

Каромат Рустамова - энг яхши аёл спортчи;

Қизлархон Исомиддинова - энг яхши ёш спортчи.