18 май 16:44
Янгиликлар

Паралимпия

Пара велоспорт: Тарихда илк бор жаҳон кубогининг гуруҳ пойгасида биринчи бўлдик!

Айни кунларда Ўзбекистон терма жамоаси аъзолари Италиянинг Маниаго шаҳрида бўлиб ўтаётган пара велоспортнинг шоссе йўналиши бўйича жаҳон кубогида иштирок этмоқда.

Қувонарлиси, мазкур мусобақада 2 нафар вакилимиз шоҳсупага кўтарилди. Жумладан, эркаклар ўртасида Т1 классида юртимиз шарафини ҳимоя қилган Азиз Атахўжаев 40 км масофага ўтказилган гуруҳ пойгаларида олтин, 16 км масофага ўтказилган вақт пойгаларида эса кумуш медални қўлга киритди.

Эътиборлиси, Ўзбекистон терма жамоаси аъзоси тарихда илк бор жаҳон кубогида гуруҳ пойгасида 1-ўринни эгаллади. Вакилимиз бу борада мезбон Италия ва Жанубий Корея терма жамоаси аъзоларини ортда қолдиришга муваффақ бўлди.

Бундан ташқари, аёллар ўртасида Т1 классида стартга чиққан ҳамюртимиз Маржона Пардабоева 30 км масофага ўтказилган гуруҳ пойгасида ҳамда 16 км масофага ўтказилган вақт пойгасида кучли учликдан жой олиб, делегациямиз ҳисобига 2 та бронза медални қўшиб қўйди.

Ҳавола :

Манба : paralympic.uz

Рейтинг: