Париж "Мастерс" турниридан ким қанча ишлаб олиши очиқланди

TennisUpToDate интернет-портали хабарига кўра, ATP 1000 тоифасидаги ушбу турнирнинг умумий мукофот жамғармаси 5 миллион 950 минг еврони ташкил қилади. Куни кеча старт олган мусобақа ғолиби 920 000 еврони қўлга киритади. Бу ўтган йилги суммадан 3 фоизга кўп деганидир. 

Вице-чемпион ўз ҳамёнини 502 000 еврога бойитиб олади. Теннисчилар биринчи даврадаги иштирокларининг ўзига 23 800 еврога эга бўлишади.  

Мукофот пуллари тақсимоти:

1-давра: € 23 800 

2-давра: € 43 000

3-давра: € 80 000

Чорак финал: € 149 500

Ярим финал: € 274 500

Финалчи: € 502 000

Чемпион: € 920 000.

Маълумот учун, Париж "Мастерс" турнирининг амалдаги чемпиони Новак Жокович ҳисобланади. У ўтган йили финалда болгариялик Григор Димитровни 6/4, 6/3 ҳисобида мағлуб этиб, бош соврин соҳибига айланганди. Бу йил Жокович чемпионлик унвонини ҳимоя қила олмайди.