Павлюченкованинг финалда ғолиб чиқиши учун 3,5 соат керак бўлди

Мукофот жамғармаси 250 000 долларни ташқил қилувчи турнирда Анастасия Павлюченкова бош соврин соҳибасига айланди. Россиялик теннисчи ҳал қилувчи финал учрашувида словакиялик Доминика Цибулковадан устун келди. 

Уч соату 35 дақиқа давом этган драматик финалнинг уччала сети ҳам тай-брекка қадар давом этди. Якунда Настя рақибасини 6:7(5), 7:6(3), 7:6(6) ҳисобида таслим этди. Бу россиялик теннисчи учун фаолиятидаги 12, жорий мавсумдаги биринчи титул бўлди.

Ушбу муваффақиятли иштирок дунёнинг 31-ракеткасига 34 677 евро мукофот пули ҳамда 280 рейтинг очкосини тақдим этди.