20 дек 15:13
Янгиликлар

Бокс/ММА

Пэдди Пимблетт: "Гэтжи билан тик ҳолатда жанг қиламан"

Британиялик енгил вазн тоифаси вакили Пэдди Пимблетт америкалик Жастин Гэтжи билан бўлажак жанг режаси тафсилотларини ошкор қилди.

"Гэтжи билан "стойкада", яъни тик турган ҳолатда жанг қиламан деганимда ҳамма кулади, лекин айнан шундай бўлади. Ҳамма мени жангнинг дастлабки ўн сониясидаёқ курашга югуради, деб ўйлайди. Йўқ, бундай бўлмайди.

Мен у билан тик туриб жанг қиламан, унга ўз жангимни ўтказаман. Одамлар ҳайратда қолади. Гэтжи лоукик зарбаларини йўллашни биладиган жангчи. Мен эса тўлақонли MMA жангчисиман", - деди Пимблетт.

Эслатиб ўтамиз, 24 январь куни Лас-Вегасда бўлиб ўтадиган UFC 324 турнирида Жастин Гэтжи ва Пэдди Пимблетт енгил вазн тоифасида вақтинчалик камар учун жанг қилади. Ушбу вазн тоифасида тўлақонли UFC чемпиони Илия Топурия оилавий сабабларга кўра фаолиятида таътил олди. Унинг октагонга қачон қайтиши ҳали номаълум.