04 ноя 09:49
Янгиликлар

Бокс/ММА

Пэдди Пимблетт: "Мен Топурияни шоҳсупадан ерга тушираман"

Пэдди Пимблетт чемпионлик жангида Илия Топурияни "йўқ" қилишига ишончи комил эканини айтяпти.

"Мен унинг юзини савол-жавобсиз тилка-пора қиламан. Тўғрисини айтсам, мен уни ҳар томонлама ютишимни кўряпман - жанг қандай бўлишидан қатъи назар. Одамлар уни қандайдир катта ва ҳайратланарли ҳодиса деб ўйлаб, шоҳсупага кўтаришди, аммо мен уни қарсиллатиб ерга тушираман", - деди британиялик Пэдди.

Тасдиқланмаган маълумотларга кўра, Илия Топурия келаси йилнинг январь ойида Лос-Анжелесда бўлиб ўтадиган UFC 324 турнирида Пэдди Пимблетт ёки Жастин Гэтжига қарши чемпионлик камарини ҳимоя қилади.

Британиялик аралаш яккакураш устаси шу йилнинг апрель ойидан бери жанг қилмаган бўлса-да, UFC енгил вазн тоифаси рейтингида ўнинчи ўриндан олтинчи ўринга кўтарилиб, дивизионнинг кучли бешлигига яқинлашиб олди.