13 май 15:31
Янгиликлар

Бокс/ММА

Пэдди Пимблетт қачон октагонга қайтишини айтди

UFC енгил вазн (70 кг) рейтингида 8-ўринни эгаллаб турган Пэдди Пимблетт навбатдаги жангини қачон ўтказиши мумкинлиги ҳақида хабар берди.

"Ўзи аслида Чендлер билан жанггача ҳам октябрь ойида Абу-Дабидаги турнирда октагонга чиқишим аниқ бўлганди. UFC ҳар йили БАА пойтахтида рақамланган турнир ўтказиб келади. Мен бу шоуда жанг ўтказишни орзу қиламан. Ҳа, худди шундай. Ўйлашимча, айнан октябрь ойида навбатдаги жангим учун идеал вақт", – деди британиялик аралаш яккакураш устаси ўзининг YouTube-каналидаги подкастида.

Маълумот учун, 30 ёшли Пэдди Пимблетт 2021 йилдан бери UFC турнирларида ўз жангларини ўтказиб келади. Унинг ҳисобида 7 та ғалаба бор. Ҳозирча мағлубият ва муроса нималигини билмай келмоқда. Охирги жангини март ойида UFC 313 турнири доирасида америкалик Майкл Чендлерга қарши ўтказиб, номдор рақибини техник нокаутга учратган эди.