24 авг 17:18
Янгиликлар

Бокс/ММА

Пэдди Пимблетт: "Яхшиям Махачев энди менинг дивизионимда йўқ"

Енгил вазн UFC рейтингида бешинчи ўринни эгаллаб турган Пэдди Пимблетт Ислам Махачев ярим ўрта вазн тоифасига ўтганидан ва энди ўз дивизионида жанг қилмаётганидан хурсанд.

Бу ҳақда британиялик спортчи россияликнинг Йен Мачадо Гэрри устидан қозонган ғалабасига ўз муносабатини билдириб, тегишли видеони ижтимоий тармоққа жойлаштирди.

"Ҳисоб худди менинг Гэтжига қарши жангимдагидек. Яхшиямки, у энди менинг дивизионимда эмас. У дунёдаги энг зўри!", – деди Пимблетт.

Бир ҳафта аввал Ислам Махачев ирландиялик Йен Мачадо Гэррини ҳакамларнинг якдил қарори билан мағлуб этиб, ярим ўрта вазн тоифасидаги UFC чемпионлик камарини илк бор муваффақиятли ҳимоя қилган эди. Шу билан бирга, россиялик кетма-кет 17-ғалабасини қўлга киритди ва афсонавий Андерсон Сильванинг 13 йил давом этган олдинги рекордини янгилашга муваффақ бўлди.