15 ноя 16:00
Янгиликлар
"Пекинда инқилоб қилаётган мураббий"га эга "Орджи" - "Ҳумо"нинг бугунги рақиби
"Ҳумо Арена"да ташкил этиладиган мазкур учрашувда вакилларимиз Хитой пойтахти Пекин шаҳрининг "ОРДЖИ" жамоасига қарши баҳс олиб борадилар.
Мазкур жамоа айни пайтда ВХЛда 24 та ўйиндан сўнг 22 очко жамғарган ва 24-ўринни эгаллаб турибди. Клуб 2018 йилда ташкил этилган. 2018/2019 йилги мавсумда илк маротаба Олий хоккей лигаси (ВХЛ)да иштирок этган.
"Аочжун" аренасида ўз ўйинларини ўтказади.
"Ҳумо" клуби матубот хизматининг хабар беришича, жамоани америкалик 40 ёшли Гэри Грем бошқариб бормоқда. Хитой ОАВларида уни "Пекинда инқилоб қилаётган мураббий" сифатида таъриф беришмоқда.
Эслатиб ўтамиз, ўйин соат 19:30да "Ҳумо Арена"да бошланади.
Чипталар нархи 10 000 сўмдан 75 000 сўмгача сотувда. Болалар учун эса 50 фоизлик чегирма мавжуд. Чипталарни арена кассаларидан ва iTicket.uz сайти орқали сотиб олишингиз мумкин.
Фикрлар