Перейра ва Тейшейра Хамзат Чимаевнинг чақирувига жавоб берди

"Чимаев Поатан билан жанг қилиши керак, аммо аввал у бу жангни олиши керак, чунки ҳозир бизга Жон Жонс керак, у катта ном. Лекин агар бир кун келиб Чимаев Поатан билан жанг қиладиган бўлса, мен Алекснинг ғалабасига уй тикаман. Менга келсак, Чимаев, мен истеъфодаман, лекин агар бирор нарса бўлса, мен ёнингдаман - сен билан меҳмонхона залида, исталган жойда учрашишимиз мумкин. Мен билан муштлашмоқчимисан? Мен сенинг жонингни оламан", - деди Тейшейра ижтимоий тармоқда эълон қилинган видеода.

"Бу йигит мен билан жанг қилмоқчи эканини айтди. Мен сенга очиғини айтяпман, Чимаев, кел, буни грепплингда амалга оширамиз. Қолаверса, буни тўғридан-тўғри UFC’да Бразилия жиу-житсу турнирида амалга оширишимиз мумкин. Қанча пул топишимизнинг менга фарқи йўқ - гарчи исмим туфайли пул яхши бўлса ҳам - чунки гонорарнинг ҳаммаси хайрия ишларига сарфланади. Маъқулми? Чақириғимни қабул қиласанми, Хамзат Чимаев? Шама", - дея қўшимча қилди Перейра.

Хамзат Чимаев август ойида ўрта вазн тоифасида ҳакамларнинг якдил қарори билан Дрикус Дю Плесси устидан ғалаба қозониб, UFC чемпионлик камарини қўлга киритган бўлса, Алекс Перейра октябрь ойида ярим оғир вазн тоифасида Магомед Анкалаевни биринчи раунддаёқ техник нокаутга учратиб, чемпионлик камарини қайтариб олган эди.