14 май 16:35
Янгиликлар

Футбол

Пике Инстаграмда "Реал" мухлисларининг жиғига тегди

"Барселона" ҳимоячиси Жерар Пике Твиттер тармоғидаги постлари билан "Реал" ва унинг мухлислари жиғига тегишни хуш кўради.

Каталониялик ҳимоячи бу сафар "Қироллик клуби" собиқ дарвозабони Икер Касильяснинг "Инстаграм"даги суратига "ҳужум" қилди.

Касильяс 13 майдан 14 майга ўтар кечаси ижтимоий тармоққа пастдаги суратни юклади ва унга "#хайрлитундунё" хэштегини қўшиб қўйди.

Бир соат ўтар-ўтмас ушбу расм остида Пикенинг изоҳи (коммент) пайдо бўлди: "Ушбу стадионда мағлуб бўлиш учун тўпни неча маротаба дарвоза тўридан олиб чиққансиз?" (учта кулувчи смайлик).

Бир неча дақиқадан сўнг "Барселона" собиқ ҳимоячиси Карлес Пуйоль ҳам ҳазил изоҳ қолдирди: "Бир ўзинг ўйнаяпсанми?"