08 мар 15:46
Янгиликлар

Хоккей

"Питтсбург" 0:4 ҳисобидаги мағлубиятни ғалабага айлантирди

Миллий Хоккей лигаси Мунтазам чемпионати доирасидаги "Питтсбург" - "Коламбус" учрашувида ажойиб камбэк қайд этилди.

Питтсбургдаги "Пи-Пи-Жи Пэйнтс-Арена"да ўтган учрашувда "Питтсбург Пингвинз" жамоаси "Коламбус Блю Жекетс" клубини қабул қилди. Муз эгалари 0:4 ҳисобидаги мағлубиятни якунда ғалабага айлантиришди - 5:4.

Меҳмонлар 5-дақиқада Эмиль Бемстрём, 8-дақиқада Лэйн Педерсон, 11-дақиқада Патрик Лайне, 23-дақиқада Лиам Фуди томонидан киритилган шайбалар эвазига 4:0 ҳисобида олдинга чиқиб олишганди.

Ўйиннинг 31 ва 44-дақиқаларида Жейсон Цукер дублга эришди. 41-дақиқада Жейк Гюнцель ўз ҳисобига гол ёзиб қўйди. Дэнтон Хайненнинг аниқ зарбаси эса жамоаларни экстра-таймга етаклади. Қўшимча беш дақиқаликда Сергей Малкиннинг узатмасидан сўнг Сидни Кросби "Питтсбург"га ғалаба тақдим этди.