Плессига қарши жангда Чимаевнинг бурчагида ким бўлиши маълум + ФОТО

Царукян айни пайтда енгил вазн тоифаси рейтингида иккинчи ўринни эгаллаб турибди. У Хамзатнинг дўсти ҳисобланиб, унинг Дрикус дю Плессига қарши жангга тайёргарлик машғулотларида ҳам иштирок этганди. 

"Мен якшанба куни Хамзатнинг бурчагида бўламан. Бизнинг дўстлигимиз реалити шоусидан кейин бошланганди. Биз у ерда бирга машғулот ўтказдик, дўстлашдик ва кейин Эльбрус ҳамда Кисловодскдаги машғулот йиғинларига йўл олдик. Мен унинг камар олиши учун шу ердаман", — UFC Eurasia YouTube-каналига интервью берган Царукян.

Маълумот учун, Хамзат Чимаев сўнгги жангини ўтган йилнинг 26 октябрь куни Абу-Даби шаҳрида ташкил этилган UFC 308 турнири доирасида ўрта вазнда собиқ UFC чемпиони, австралиялик Роберт Уиттакерга қарши ўтказиб, биринчи раунддаёқ рақибини оғритиш усули билан таслим этганди. Ўша эпизодда Борз Уиттакернинг жағини синдириб юборган эди.