09 июл 13:44
Янгиликлар
Теннис
Плишкова "Уимблдон" бош соврини учун кортга чиқади
Лондон шаҳри мезбонлигида ўтаётган теннис бўйича "Катта Дубулға" туркумига кирувчи "Уимблдон" турнири ўзининг ҳал қилувчи палласига кирди.
Аёллар ўртасидаги баҳсларда финалчилар номи маълум бўлди. Дунёнинг 13-ракеткаси бўлиб турган чехиялик Каролина Плишкова 4 дақиқаси кам 2 соат давом этган ярим финал учрашувида сайёрамизнинг тўртинчи ракеткаси, беларуслик Арина Соболенкони 5/7, 6/4, 6/4 ҳисобларида мағлубиятга учратди.
Учрашув давомида 29 ёшли Каролина 14, 23 яшар Арина эса 18 та эйс зарбани амалга ошириб, бу борадаги рекордни янгилашди. Теннисчиларнинг ўзаро учрашувларида Соболенко олдинда бормоқда - 2:1. Энди Плишкова "Уимблдон" бош соврини учун дунёнинг биринчи ракеткаси, австралиялик Эшли Бартига қарши кортга чиқади.
Ҳавола :
Манба : gotennis
Фикрлар