27 янв 14:10
Янгиликлар

Бокс/ММА

Пол Хьюз Хабибнинг таклифини узоқ куттирмади

Хабиб Нурмагомедов ирландиялик аралаш яккакураш устаси Пол Хьюзни Доғистонга таклиф қилганди.

"Раҳмат, Хабиб! Сенга, жамоанг ва миллатингга чексиз ҳурмат изҳор қиламан. Таклифингни бир кун қабул қиламан ва ундан кейин сени ўз ватаним Ирландияга такиф этаман. Лекин бу ишлар фақат Усман билан реванш жангимиздан кейин амалга ошади", - деди ирландиялик ўзининг ижтимоий тармоқдаги саҳифасида.

Эслатиб ўтамиз, Усман Нурмагомедов икки кун аввал Дубайда ўтган PFL турнирининг марказий жангида енгил вазндаги Bellator чемпионлик камарини айнан Пол Хьюздан муваффақиятли ҳимоя қилганди. Беш раунд тўлиқ давом этган жангда ҳакамлар 47-47, 48-46, 48-46 ҳисобларидаги ғалабани Нурмагомедовга тақдим этишганди.