Полиция Теренс Кроуфордни ҳибсга олди

Ижтимоий тармоқларда полициячи Кроуфордни тўппонча тираб ушлаб тургани, у эса қўлларини кўтариб, бир неча марта "Мен тўппончага қўл чўзмаяпман" деб такрорлагани акс этган видео тарқалди.

Полиция баёнотига кўра, чемпион ва яна уч киши бўлган автомобиль хавфли ҳайдаш туфайли тўхтатилган. Полициячи машина салонида тўппонча борлигини кўрди, шундан сўнг у қуролини чиқариб, Кроуфордга машинани тарк этишни буюрди ва кейин қўлига кишан солди.

Текширувдан сўнг машинада бўлганларнинг барчасида қурол олиб юриш учун рухсатнома борлиги маълум бўлди. Охир-оқибат, Кроуфорд фақат хавфли ҳайдаш айблови билан қўйиб юборилди, бунинг учун у жаримага тортилиши мумкин.

Омаха мэри полициячилар қонунга мувофиқ ҳаракат қилганига ишонч ҳосил қилиш учун воқеани шахсан ўрганишга ваъда берди.