28 ноя 08:22
Янгиликлар
Бокс/ММА
Порье UFC'да қанча "умри" қолганини айтди
UFC'нинг енгил вазнида титул учун икки карра даъвогар америкалик Дастин Порье катта спортдан кетиши ҳақида гапирди.
"Боксда жанг ўтказиш? Барчасини якунлагунимча буни ҳам амалга оширмоқчиман, бироқ ундай бўлади деб ўйламайман. UFC билан 5-6 жанглик шартномам қолган кўринади. Аммо мен биринчи бўлиб бокс қўлқопларини таққанман.
Яккакурашларни яхши кўраман. Аввалига бокс ёқарди. Жангларни томоша қилардим ва бундан завқ олардим. Юзидан қон чиқаётган йигитлар янада олдинга ташланаётганини кўриб, мен ҳам шундай қила оламан дердим.
Қафасдаги жангларни анча олдин билардим. Ёшлигимда бир неча марта жанг қилиб кўрганман, кейинчалик бокс залидаги йигитларни учратиб қолганман, улар менга кикбоксинг ва жиу-житсу ҳақида сўзлаб беришди. Келаси ҳафта улар билан шуғулланганман", - деди Порье.
Ҳавола :
Манба : MMA Hour
Фикрлар