ПОСТЕР Емельяненконинг кейинги рақиби - Сариқ Тарзан!

Россиялик ишкал ММА жангчиларидан бири Вячеслав Дацик навбатдаги жанги Александр Емельяненкога қарши ўтказилишини эълон қилди. Емельяненконинг ўзи эса аввалроқ рэп-ижрочиси Жиганга қарши октагонга чиқишини айтган эди.

"Сени ичкиликдан батамом қутулишингга ёрдам бераман. Рэпер эса қўшиғини айтишда давом этсин", - дея Инстаграм саҳифасида Емельяненкога мурожаат қилган Дацик.

Жанг шу йилнинг май ойида Москвадаги "ВТБ-Арена"да бўлиб ўтади. Аниқ сана бўйича ҳозирча маълумотлар йўқ. Емельяненконинг ўзи ҳали бу жангга муносабатини билдирмади.