27 июл 16:35
Янгиликлар

Бокс/ММА

Поветкин - Уайт жангининг расмий постери эълон қилинди + ФОТО

Супероғир вазн тоифасида кутилаётган жанглардан бирининг расмий постери эълон қилинди.

Хабар берганимиздек, 22 август куни россиялик Александр Поветкин ҳамда британиялик Диллиан Уайт ўртасида жанг бўлиб ўтади. Ушбу жанг таниқли промоутер Эдди Хирннинг боғида ўтказилади. Жанг ўтказилувчи жойга "Жанглар боғи" деб ном берилган.

Маълумот учун, 40 ёшли Поветкин сўнгги жангини ўтган йилнинг декабрь ойида Майкл Хантерга қарши ўтказиб, дуранг қайд этган эди. Саша жами 38 та жанг ўтказган бўлиб, уларнинг 35 тасида ғалаба қозонган. Рақибларини 24 та жангда нокаутга учратган. Ҳисобида икки мағлубият ва бир дуранг бор. 32 ёшли Уайт эса проф рингда 28 та жанг ўтказган. 27 та жангда ғалаба (18 нокаут) қозонган ва бир бор мағлубият аламини тотиб кўрган.