23 авг 10:24
Янгиликлар
Поветкин - Уайт реванш жанги ўтказилади. Промоутер муддатни айтди
Хабарингиз бор, кеча тунда 40 ёшли Поветкин рақибини бешинчи раундда нокаутга учратиб, супероғир вазнда вақтинчалик WBC чемпионлик ҳамда махсус тайёрланган WBC Diamond камарларини қўлга киритган эди.
"Жангдан сўнг Уайт менга мағлубиятига ҳали ҳамон ишона олмаётганини айтди. Ўтказиб юборилган зарбадан кейин маълум муддат уйқуга кетганини маълум қилди. Жанг тўртинчи раунддаги иккита чуқур нокдаундан сўнг Поветкиннинг мағлубияти билан якунланиши ҳам мумкин эди. Лекин Саша ўзида куч ва ирода топа билди. Шартномада реванш жанги бўйича алоҳида банд бор. Уайт бу имкониятдан фойдаланади. Мен промоутер сифатида реванш жангини шу йилнинг ўзидаёқ ўтказаман. Диллиан реваншда ғалаба қозониши мумкин", — дея Хирннинг сўзларини келтирмоқда Daily Mail.
Маълумот учун, Александр Поветкин кечаги ғалабаси билан WBC чемпиони Тайсон Фьюрининг камарига расмий даъвогарга айланди. Катта эҳтимол билан Поветкин реваншдан кўра Фьюрига қарши чемпионлик жангини танласа керак.
Фикрлар