Пойтахтимизда "Соҳибқирон кубоги" халқаро шахмат турнири бўлиб ўтмоқда ФОТОГАЛЕРЕЯ

Турнир швейцарча тизим бўйича ўтказилмоқда. Рейтинг натижаларига қараб, “А” ва “Б” гуруҳларига бўлинган иштирокчилар 9 та турда ўз маҳоратларини намоён этадилар.

7-тур ниҳоясига етгач, шахматчиларнинг гуруҳдаги вазиятлари аниқ бўлиб қолди. 7 имкониятдан 5,5 очко жамғара олган Алишер Сулейменов (Қозоғистон) “А” гуруҳида пешқадам бўлиб турибди. Пешқадамдан сўнг, бирйўла 8 иштирокчи 5 тадан очко тўплаган. 

“Б” гуруҳида Жўрабек Ибодуллаев ва Марсель Шоюсупов 6,5 тадан очко билан гуруҳда етакчилик қилмоқда. Гуруҳда 6 нафар шахматчи бир хил -  5,5 тадан очко жамғариб кейинги поғоналарни эгаллаб турибди.

 Мусобақанинг ғолиб ва совриндорлари 20 апрель куни маълум бўлади.

Алимурод МАМАДАМИНОВ, ўз мухбиримиз