Prague European Open турнирига қуръа ташланди. Бобонов 13 ойлик танаффусдан кейин қайтмоқда

Дунёнинг 35 давлатидан жами 405 нафар дзюдочи қатнашадиган Prague European Open 2025 турнирига қуръа ташлаш маросими бўлиб ўтди. Икки кун давом этадиган нуфузли мусобақада Ўзбекистон терма жамоасининг 11 нафар дзюдочиси ҳам медаллар учун татамига чиқади. 

Ниҳоят, 13 ойлик танаффусдан сўнг биз Давлат Бобоновни яна татамида кўрамиз. Токио Олимпиадаси совриндори жароҳати сабаб Париж-2024 Олимпия ўйинларидан кейин мусобақаларда иштирок этмаганди. Шу пайтгача -81 кг вазнда турнирларда қатнашиб келган Арслонбек Тожиев Прага мусобақасида -90 кг вазн тоифасида курашади. Бу вазнда уч нафар дзюдочимиз Prague European Open 2025 медаллари йўлида баҳсларга киришади. 

Prague European Open 2025. Дзюдочиларимиз учун қуръа натижалари:

-48 кг: Ҳалимажон Қурбонова – Конул Алиева (Озарбайжон)

-52 кг: Муҳайё Аҳматова – Эрин Сейнхэйв (Бельгия)/ Полин Кюк (Франция)

-57 кг: Шукуржон Аминова – Вера Распе (Нидерландия)/ Татанилла Абраҳам (Венгрия) 

+78 кг: Ирисхон Қурбонбоева – Виктория Лис (Польша) 

-60 кг: Баҳром Ботуров – Жейсон Вонг (Нидерландия)

-73 кг: Замоҳшари Бекмуродов – Виктор Мровжински (Польша)

-73 кг: Абдураҳим Нутфуллоев – Офек Раҳамим (Исроил)

-90 кг: Нурбек Муртазоев – Якуб Погорали (Чехия)/ Иван Кутенков (Украина)

-90 кг: Давлат Бобонов – Марат Крижананский (Украина)/ Рой Сиван (Исроил)

-90 кг: Арслонбек Тожиев – Артём Бубир (Украина)

+100 кг: Музаффарбек Тўрабоев – Федир Ярошенко (Украина)