President's Cup. Султонов муваффақиятли старт олди, навбат Фоминга!

Мусобақада Ўзбекистоннинг биринчи ва иккинчи ракеткалари ҳам иштирок этяпти. Иккинчи ракеткамиз Ҳумоюн Султонов турнирга захира ўйинчиси сифатида қўшилди. У 1/16 финалда италиялик Александр Биндани 6/3, 6/2 ҳисобида мағлубиятга учратди. 

Саксон беш дақиқа давом этган баҳсда Ҳумоюн 7, Бинда 4 та эйс зарбасини амалга оширди. Султонов қўшхатога йўл қўймади. Италияликда бу кўрсаткич 6 тани ташкил қилди. Теннисчиларнинг ўзаро учрашувларида ҳамюртимиз ҳисобда олдинга чиқиб олди - 2:1. 

Таққослаш учун, Султонов ATP рейтингида 508, Бинда 571-ўринни банд этган. Эртага Ҳумоюн 1/8 финалда дунёнинг 380-ракеткаси бўлиб турган аргентиналик 22 яшар Лучио Раттига қарши кортга чиқади.