Prezident Kubogi. Нодирбекда яна ғалаба, Ниғматов шов-шувли тарзда Парҳам Мақсудлуни ютди

Дунёнинг кўзга кўринган гроссмейстерлари мукофот жамғармаси 75 000 АҚШ долларини ташкил этувчи Prezident Kubogi мусобақаси бош соврини учун баҳс олиб боришяпти. Иштирокчилар FIDE рейтингидаги ўринларига қараб А ва В гуруҳларида дона суришмоқда.  

Кучлилар жам бўлган А гуруҳи баҳсларида юртимиз шарафини Нодирбек Абдусатторов, Жавоҳир Синдаров, Шамсиддин Воҳидов, Нодирбек Якуббоев сингари таниқли гроссмейстерларимиз ҳимоя қилишмоқда. Абдусатторов (2777) халқаро турнирнинг биринчи рақамли иштирокчиси сифатида сараланган. 

Нодирбек 2-турда оқ доналарда ҳиндистонлик Саҳиб Сингҳ (2438)ни мағлубиятга учратди. Иккинчи рақамли шахматчи Парҳам Мақсудлу (Эрон, 2712) эса кутилмаганда қора доналарда ёш шахматчимиз Ортиқ Ниғматов (2419)га имкониятни бой бериб қўйди. Бу ғалабаси билан Ниғматов яхшигина шов-шув кўтаришга муваффақ бўлди. 

Нодирбек Якуббоев (2668) оқ доналарда қора доналарда ҳаракат қилганига қарамай, хитойлик Минг Хуи Ху (2405)ни юта олмади. Учрашувда дуранг натижа қайд этилди. Жавоҳир Синдаров (2682) яна бир хитойлик шахматчи Чу Вей Чао (2419)ни таслим этди. Бу унинг иккинчи ғалабаси бўлди. Шамсиддин Воҳидов (2681) қозоғистонлик Меруерт Камалиденова (2378)дан устун келди.