Промоутер Дмитрий Биволнинг катта жангда рингга қайтишига ваъда берди

Россиялик жаҳон чемпиони фақат энг кучли рақибларга қарши катта жанглар ўтказишни хоҳламоқда, деди промоутер Эдди Хирн 34 ёшли россиялик боксчи билан учрашувдан сўнг.

Биволнинг эҳтимолий рақиблари орасида яримоғир вазн тоифасида собиқ мутлақ жаҳон чемпиони Артур Бетербиев, ушбу вазнда WBC чемпиони Девид Бенавидес, тўрт вазнда собиқ жаҳон чемпиони Сауль "Канело" Альварес, шунингдек, биринчи оғир вазн тоифаси вакили Жей Опетайя бор.

"Яқинда мен тушлик пайтида Дмитрий Бивол билан учрашдим, - деди Хирн The Ring нашрига берган интервьюсида. - Энг муҳими ва асосийси, у шунчаки катта жанглар, катта гонорарлар ва жиддий синовларни хоҳлайди. Дэвид Бенавидес ва Артур Бетербиев - ҳақиқий синов, бу жуда хавфли жанглар. У хотиржам йигит, лекин уни шунчаки қандайдир жанглар қизиқтирмайди".

"У "Канело" Альварес, Бенавидес, Бетербиев, балки Жей Опетайя билан жанг қилишни хоҳлайди. Унга шунчаки чақириқлар керак. Ишончим комилки, тез орада уни катта жангда рингга қайтарамиз", - дея қўшимча қилди Хирн.

Дмитрий Бивол шу йилнинг февралидан буён рингга кўтарилмади. Август ойида у эски бел жароҳати туфайли операция қилинди. Унинг декабрь ойида тўлиқ машғулотларга киришиши кутилмоқда.