Промоутер Фьюрининг Маҳмудовга қарши жангга қизиқиш билдираётганини тасдиқлади

Ўтган йили Буюк Британияда Дэвид Алленга қарши жангда муваффақиятли иштирок этган 36 ёшли россиялик супероғир вазн тоифаси вакили Арсланбек Маҳмудов ҳақиқатан ҳам Тайсон Фьюри жамоаси томонидан рақиб сифатида кўрилмоқда.

Яқинда 37 ёшли Фьюри бу йил рингга қайтиши ва Энтони Жошуа, Фабио Уордли ёки Дэниэль Дюбуага қарши кутилаётган катта жанглар олдидан катта эҳтимол билан "разминка" жангини ўтказишини расман тасдиқлади.

"Бунинг маъноси бор, - деди Уоррен Box Nation нашрига берган интервьюсида Маҳмудовга қарши жанг ҳақида. - Тайсон жуда ақлли йигит. У нимани хоҳлашини ва бунга қандай эришишни билади. Табиийки, биз рақибларни муҳокама қиламиз, лекин у аҳмоқ эмас. У нима қилиши кераклигини билади. Маҳмудов билан жанг ўтказишимиз мумкин.

Британиянинг talkSPORT спорт радиостанцияси бошловчиси Спенсер Оливернинг фикрича, баланд бўйли ва кучли Маҳмудов Фьюри учун муносиб рақиб ҳисобланади.

"Мен ҳам у ёмон рақиб эмас деб ўйлайман, Арслонбек Маҳмудов кучли йигит. Унинг зарбаси оғир ва залворли, Тайсон Фьюри эса анчадан бери рингга чиқмаяпти. Менимча, бу жангдан қочмайдиган ва уни ишлашга мажбур қиладиган идеал рақиб", - дея таъкидлади Оливер.