05 май 19:32
Янгиликлар

Бокс/ММА

Пётр Янга Абу-Даби турнири учун рақиб берилди — инсайд

Ўта енгил вазн тоифасида собиқ UFC чемпиони Пётр Ян тўртта ғалабали серия билан келаётган жангчига қарши октагонга кўтарилиши мумкин.

Эътиборлиси, бу аралаш яккакураш устаси рейтингда Топ-10`таликка ҳам кирмаган. Гап америкалик Маркус МакГи ҳақида кетмоқда. У дивизион рейтингида 13-ўринни эгаллаб турибди. Абу-Дабидаги турнир 26 июль куни ўтказилади ва унда ўзбекистонлик UFC жангчисининг ҳам октагонга чиқиши кутилмоқда.

Маълумот учун, 34 ёшли Маркус МакГи охирги жангини ўтган йилнинг ноябрь ойида Жонатан Мартинезга қарши ўтказиб, очколар ҳисобига кўра ғалаба қозонганди. Унгача америкалик аралаш яккакураш устаси Жорни Ньюсон, Жей Би Пайс ва Гастон Боланосни нокаут эвазига мағлуб этган эди. 32 ёшли Пётр Ян эса кетма-кет иккита жангда зафар қучди. У Сонг Ядонг ва Дейвесона Фигередодан устун келди. Ҳозирда Ян дивизион рейтингида иккинчи ўринни банд этган.