29 апр 10:06
Янгиликлар

Теннис

Қарши “Фьючерс”. Абдураимова жуфтликда чемпион бўлди

Қарши шаҳрида “Фьючерс” туркумига кирувчи хотин-қиз теннисчилар ўртасидаги турнир якунланди.

Соврин жамғармаси 25 000 АҚШ долларини ташкил қилувчи мусобақанинг жуфтлик баҳсларида ўзбекистонлик теннисчи ғолиблик шохсупасига кўтарилди. Нигина Абдураимова россиялик Анастасия Фролова билан бирга бош мукофот соҳибасига айланишди.

Абдураимова ва Фролова турнирнинг учинчи рақамли жуфтлигини ҳосил қилишганди. Улар ҳал қилувчи финал учрашувида россиялик теннисчилар - Анастасия Гасанова ва Екатерина Яшина ҳамкорлигини 7:6(7), 6:1 ҳисобида мағлуб этишди.