Қаршида Ҳоким соврини учун профессионал бокс оқшоми ўтказилди + ФОТОГАЛЕРЕЯ

Ушбу оқшомдан жами 10 та жанг ўрин олган бўлиб, уларнинг 6 таси муддатидан аввал якунланди. Турнирнинг марказий жанги бухоролик Азамат Эргашев ҳамда мезбонлар вакили Баҳром Давуров ўртасида кечди. Олти раундлик жанг иккинчи раунддан сўнг тўхтатилди. Эргашевнинг секундантлари жангни давом эттирмасликка қарор қилишди. 

Андижонлик Абдулҳамид Азимов ҳамда бухоролик Раҳматилло Шарифов ўртасидаги жангда дуранг натижа қайд этилди. Қаршидаги бокс оқшомида Нормурод Султонов (Қарши), Айюбхон Бахтиёров (Андижон), Ҳожиакбар Ҳамидов (Қарши), Фаррух Жўраев (Қарши), Ҳайитбек Пўлатов (Фарғона), Озодбек Нуриддинов (Наманган), Асадбек Солижонов (Андижон), Абдували Бўрибоев (Андижон) рақибларидан устун келиб, ғалаба нашидасини суришди. 

Марказий жанг ғолиби Баҳром Давуров 10 миллион сўм пул мукофотини ҳам қўлга киритди.