Қаршида триатлон бўйича мусобақа ўтказилди

Ушбу мусобақа Қарши шаҳар ҳокимлиги ҳамда Қашқадарё вилоят жисмоний тарбия ва спорт бошқармаси, “Ватанпарвар” ташкилоти вилоят кенгаши билан ҳамкорликда Ўзбекистон Республикаси Президенти Шавкат Мирзиёев раҳбарлигидаги 2019 йил 19 март куни ўтказилган “Ёшлар билан ишлашни самарали ташкил этишда маданият, санъат, спорт, ахборот технологиялари, китоб ўқишга қизиқишини ошириш бўйича бешта муҳим ташаббусни амалга ошириши тўғрисида”ги йиғилиш баёни ижросини таъминлаш мақсадида ташкил этилди. 

Триатлон бўйича ўтказилган мазкур мусобақада 2000-2003 ва 2004-2006 йилларда туғилган 100 нафарга яқин иштирокчилар сузиш бўйича 750 метр масофага, велоспорт бўйича 20 000 метр масофада, шунингдек, югуриш бўйича 5000 метр масофада ўз иқтидорларини намойиш этдишди.

Ғолиб ва совриндорлар:

2000-2003 йилларда туғилган ўсмирлар

1. Жаҳонгир Самиев 

2. Акобир Норқобилов 

3. Шаҳобиддин Достонов 

2000-2003 йилларда туғилган қизлар 

1. Севара Бобоқулова

2. Маржона Равшанова 

2004-2006 йилларда туғилган ўсмирлар 

1. Икромхон Умаров 

2. Маҳмуджон Рустамов

3. Илҳом Самадов 

2004-2006 йилларда туғилган қизлар 

1. Ферузабону  Элиева 

2. Мухлиса Ҳикматова 

3. Моҳинур Суюнова  

Шунингдек, “Энг ёш спортчи” номинациясига Шоҳрух Пардаев  ва Шаҳзод Рахимов, “Энг фаол иштирокчи” номинациясига  Жамшид Ҳамзаев  лойиқ кўрилди.

Беллашувлар якунига етгач, тантанали тақдирлаш маросими ташкил этилди. Ғолиб ва совриндор спортчилар вилоят Жисмоний тарбия ва спорт бошқармаси, Қарши шаҳар болалар-ўсмирлар спорт мактаби ҳамда Ўзбекистон Ёшлар Иттифоқи Қарши шаҳар кенгаши томонидан диплом, медаль ва қимматбаҳо эсдалик совғалари билан мукофотланишди.

Жаҳон ЭРГАШЕВ, Қашқадарё вилояти Жисмоний тарбия ва спорт 

бошқармаси бошлиғи ўринбосари