29 сен 15:02
Янгиликлар
Футбол
"Қайрат" ва "Реал" ўртасидаги тарихий ўйиннинг бош ҳаками маълум
Бу тарихий учрашув Қозоғистон футболи учун Европа масштабида ўтказилади.
Чемпионлар Лигаси 2-туридан ўрин олган "Қайрат" – "Реал" баҳсини Марко Гуида бошчилигидаги италиялик ҳакамлар бригадаси бошқариб боради.
Бу 43 ёшли ҳакам учун нуфузли клуб мусобақасидаги илк тажриба эмас ва УЕФА унга кузнинг энг кутилган учрашувларидан бирини бошқариш вазифасини ишониб топширган.
Ўйин 30 сентябрь куни Олмаотадаги "Орталиқ" стадионида бўлиб ўтади ва Тошкент вақти билан соат 21:45 да бошланади.
Эслатиб ўтамиз, "Қайрат" илк турда Лиссабоннинг "Спортинг" жамоасига меҳмонда 1:4 ҳисобида имкониятни бой берган бўлса, Мадриднинг "Реал" жамоаси "Сантьяго Бернабеу"да "Марсел"ни 2:1 ҳисобида мағлуб этганди.
Ҳавола :
Фикрлар