09 июн 09:29
Янгиликлар

Қиличбозлик, Фотогалерея

Қиличбозлик. Пойтахтимизда 15 ва ундан кичик ёшдагилар ўртасида мамлакат чемпионати бўлиб ўтмоқда + ФОТОГАЛЕРЕЯ

Пойтахтимиздаги "Қиличбозлик мажмуаси"да 2008 йилда туғилган ва ундан кичик ёшдаги ўғил-қизлар ўртасида қиличбозликнинг сабля йўналиши бўйича Ўзбекистон U-15 чемпионати ўтказиляпти.

Мусобақанинг асосий мақсади мамлакатимиз ҳудудларида қиличбозлик спортини оммалаштириш ва тарғиб қилишдан иборат.

Таъкидлаш жоиз, бу каби мусобақалар орқали Ўзбекистон миллий терма жамоаси захираси учун спортчилар саралаб олинади. Сабля йўналишининг яккалик баҳсларида Карина Қурбонова, Шаҳзода Абдуллажонова, Севара Ғаниева, Жулдусхон Дарябаева, Азим Шокиров, Артур Бекжонов, Саидраҳим Алиев, Иван Дубинин каби ёш спортчилар ғолиблик шоҳсупасидан ўрин эгалладилар.

Бугун сабля йўналишининг жамоавий баҳслари бўлиб ўтади.