15 мар 10:53
Янгиликлар

Қиличбозлик

Қиличбозлик. Йигитларимиз Россияга, қизлар эса Германияга мағлуб бўлишди

Венгрия давлати мезбонлик қилаётган қиличбозлик бўйича жаҳон кубогида ўзбекистонлик спортчиларнинг чиқиши якунланди.

Мусобақанинг яккалик баҳсларида қиличбоз қизларимиз асосий давранинг илк жангидаёқ мағлуб бўлганликлари ҳақида аввалроқ хабар қилгандик. Шунингдек йигитларимиз ҳам яккалик баҳсларида медалсиз қолишди.

Жамоавий беллашувларда Ўзбекистон эркаклар терма жамоаси илк босқичда Россия вакиллари билан беллашишди ва 14:45 ҳисобида мағлуб бўлишди.

Ўзбекистон аёллар терма жамоаси эса биринчи босқичда Германияга яхшигина қаршилик кўрсатишганди. Аммо якунда 44:45 ҳисобида имкониятни бой бериб, биринчи босқичдаёқ мусобақа билан хайрлашишди.