16 май 11:06
Янгиликлар

Бокс/ММА

Қирғизистонда MMA жангчиси фожиали тарзда вафот этди

Аралаш якка кураш устаси Медет Жееналиев Иссиқкўлда кичик ёшдаги қизни қутқараётган пайтда чўкиб кетган.

Фожиа чоршанба куни кечқурун содир бўлган.

Мактаб ўқувчиси кўлдаги кучли тўлқинлар туфайли чўкиб кета бошлаган. Жееналиев ва унинг дўсти ёрдамга ошиққан ва қизчани қутқариб қолган, аммо спортчининг ўзи сувдан чиқа олмаган.

Соғлиқни сақлаш вазирлиги Sputnik.kg агентлигига ғаввослар жасадни топиб, ўликхонага топширганини маълум қилди. Жееналиев 30 ёшда эди. У ММАдаги фаолияти давомида 4 та жанг ўтказиб, иккитадан ғалаба ва мағлубият қайд этганди.