03 июн 14:59
Янгиликлар

Бокс/ММА

Қўлқопсиз бокс. Янги турнирнинг дастлабки натижалари

АҚШнинг Шайенн шаҳрида қўлқопсиз бокс бўйича илк расмий мусобақа бўлиб ўтди.

Ушбу турнирда боксчилардан ташқари аралаш қоидалар усталари ҳам иштирок этди. Оқшомнинг марказий жанглари супероғир вазн тоифасида ўтказилди. Собиқ UFC чемпиони Рикко Родригес ҳакамлар қарорига кўра Льюис Рамзини 50-45, 50-45, 48-47 ҳисобида мағлуб этди.

Бобби Ганн биринчи раунддаёқ Ирине Беато Костани нокаутга учратди. Жои Белтран эса 49-45, 49-45, 49-46 ҳисобида Тони Лопесдан устун келди. Аёллар ўртасидаги баҳсларда UFC вакиласи Бек Роулингз Альм Гарсияни иккинчи раундда техник нокаутга учратди.

Боксчи Сэм Шьюмейкер Bellator фахрийси Эрик Приндлни иккинчи раундда нокаут эвазига мағлуб этди. Эстеван Пайян ва Жонни Бедфорд мос равишда Омар Авелар ҳамда Ник Мамалисни енгишди.