UZ

Сўнгги янгиликлар

09:28"Арсенал" мағлубиятдан қутилиб қолди 0 08:57Иржи Прохазка - Навахо Стирлинг жангига ММА оламининг муносабати 0 08:26Комплект медалларни қўлга киритган Ўзбекистон жаҳон чемпионатини нечанчи ўринда якунлади? 0 07:55UFC Fight Night 294 турнирининг бонус соҳиблари маълум. Улар орасида қозоқ жангчиси ҳам бор! 0 07:24"Реал" яна камбэк қилди, бу сафар "Сельта" мағлуб этилди 0 06:53UFC Fight Night 294: Прохазкани нокаут қилишди, Асу Алмабаев ютқазди ва бошқа натижалар 0 19:59Фазлиддин Рафиқов Жаҳон чемпионатини бронза билан якунлади 0 19:30Илия Топурия UFC'даги мотивацияси нима эканлигини айтди 0 18:22"Чемпионлик камарини қўлга киритишимга ишонаман". Прохазка Ульберг билан реванш ўтказишга умид қилмоқда 0 17:37"Октагон ташқарисида ҳам жанг қилишимиз мумкин". Двалишвили Нурмагомедов билан эҳтимолий реванш ҳақида гапирди 0 16:30ОЧЛ. "Ал-Иттиҳод"нинг малилик легионери "Пахтакор"га қарши ўйинни ўтказиб юборади 0 15:15Енгил атлетикачи Хушноза Шавкатова энди АҚШнинг Орегон университети жамоаси шарафини ҳимоя қилади 0 14:12Алжамейн Стерлинг Волкановски билан жанг қилиб, икки вазн тоифасида чемпион бўлмоқчи 0 13:00Самбочиларимиз ШҲТ Очиқ турнирини умумжамоа ҳисобида биринчи ўринда якунлашди 0 12:05Ўзбекистон мезбонлик қиладиган U-17 Осиё кубогининг барча иштирокчилари маълум бўлди 0

11 авг 10:33
Янгиликлар

Шахмат

"Qonaev Cup 2025". Шахматчиларимиз 7-турда қандай натижа қайд этишди?

Қозоғистоннинг Олма-Ота шаҳрида шахмат бўйича мукофот жамғармаси 100 000 АҚШ долларини ташкил этувчи нуфузли "Qonaev Cup 2025" турнири бўлиб ўтмоқда.

Учта гуруҳда ташкил этилаётган мусобақада 19 давлатдан жами 268 нафар шахматчи совринли ўринлар учун баҳс олиб бормоқда. Ушбу турнирда Ўзбекистон шарафини 5 нафар шахматчимиз ҳимоя қиляпти. 

Мукофот жамғармаси 78 000 долларни ташкил этувчи "Masters" гуруҳида Муҳаммадзоҳид Суяров (2488) ва Ҳумоюн Бегмуратов (2466), 15 000 доллар соврин пулига эга "Challengers" гуруҳида эса гроссмейстеримиз Алексей Барсов (2323), шунингдек Миразиз Матякубов (2260) ҳамда Азамат Дауримбетов (2199) ўз омадини синаб кўрмоқда.

Афсуски, 7-турда Муҳаммадзоҳид Суяров кетма-кет ғалабалардан кейин мағлубиятга учради. У қора доналарда арманистонлик халқаро гроссмейстер Арам Ҳакобян (2625)га имкониятни бой бериб қўйди. Очколари 4 талига қолган Суяров қўшимча кўрсаткичларга кўра 16-ўриндан 26-поғонага тушиб кетди. Ўн еттинчи ўриндан жой олган қозоғистонлик Даниял Сапенов ҳисобида ҳам 4 очко бор. 

Ҳумоюн Бегмуратов бу турда қора доналарда ўйнади. Ёш шахматчимиз қозоғистонлик Ерлан Тлеуханов билан муросага келди. Ҳумоюн 3 очко билан ҳамон 48-поғонадан 42-ўринга кўтарилиб олди. Бугун 8-турда Муҳаммадзоҳид Суяров оқ доналарда FIDE байроғи остида ҳаракат қилаётган беларуслик гроссмейстер Сергей Азаров (2570)га қарши баҳс олиб боради. Бегмуратов эса қозоғистонлик аёл гроссмейстер Алуа Нурманга қарши оқ доналарда ўйнайди. 

"Challengers" гуруҳида қатнашаётган уч нафар шахматчимиз 7-турда уч хил натижа қайд этишди. Тажрибали гроссмейстеримиз Алексей Барсов оқ доналарда ўйнаганига қарамай, қозоғистонлик Едил Кабилбек (2003)ни мағлуб эта олмади. Учрашув дуранг натижа билан якунланди. Миразиз Матякубов оқ доналарда қозоғистонлик Адил Ткачаёвга имкониятни бой бериб қўйди. Азамат Дауримбетов эса аксинча, қора доналарда мезбонларнинг яна бир шахматчиси Арлен Абдрашевни мағлубиятга учратди. 

Саккизинчи тур олдидан Азамат Дауримбетов 5,5 очко билан қўшимча кўрсаткичларга кўра 9-поғонадан 4-ўринга кўтарилиб олди. Иккинчи ўриндаги қозоғистонлик Абдилхайр Абилмансур ҳисобида ҳам 5,5 очко бор. FIDE байроғи остида ўйнаётган Константин Корниенко 6 очко билан якка пешқадам бўлиб турибди. Алексей Барсов 5 очко билан ўз ўрнини сақлаб қолди - 10-ўрин. Миразиз Матякубов 4 очко билан 12-ўриндан 20-поғонага тушиб кетди. 

Бугун 8-турда Азамат Дауримбетов оқ доналарда ўзи сингари 5,5 очкога эга қозоғистонлик Алибек Игамбергеновга қарши баҳс олиб боради. Алексей Барсов қора доналарда яна бир мезбон шахматчи Адил Ткачёвга қарши ўйнайди. Миразиз Матякубов мўғулистонлик Хуслен Эрденбаяр билан ҳисоб-китоб қилади.

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг