Қонли ва нокаутли UFC Fight Night 267 турнирининг барча натижалари битта хабарда

Хабар берганимиздек, оқшомнинг асосий жанги ўрта вазн тоифасида собиқ UFC чемпиони Шон Стрикленд ҳамда Энтони Эрнандес ўртасида ўтказилиб, тажрибали Шоннинг учинчи раунддаги техник нокаутли ғалабаси билан якунланганди. Ўрта вазн рейтингида учинчи ўринни эгаллаб турган Стрикленд тўртинчи поғонадаги Энтонининг саккизта жангдан иборат ғалабали сериясига шу тарзда барҳам берганди. 

Умуман олганда, UFC Fight Night 267 турнирининг бешта жанги муддатидан аввал якунланди. Ана шу нокаутларнинг учтаси асосий учта жангда қайд этилди. Қолган жанг ғолиблари ҳакамларнинг қарорига кўра аниқланди. 

UFC Fight Night 267 турнирининг барча натижалари:

Ўрта вазн: Шон Стрикланд учинчи раундда Энтони Эрнандесни техник нокаутга учратди;

Ярим ўрта вазн: Урош Медич биринчи раундда Жефф Нилни нокаут қилди;

Ярим енгил вазн: Мелкизаэл Коста биринчи раундда Дэн Игени техник нокаут эвазига енгди;

Оғир вазн: Сергей Спивак Анте Делияни ҳакамларнинг якдил қарори билан ютди (30-27, 29-28, 29-28);

Ярим ўрта вазн: Жейкоби Смит Жозайя Харреллни биринчи раундда нокаут эвазига енгди;

Ўрта вазн: Мишель Перейра Закари Рисни ҳакамларнинг айри қарори эвазига мағлубиятга учратди (29-28, 28-29, 29-28);

Ярим ўрта вазн: Карлос Леал Чиди Нжокуанини ҳакамларнинг якдил қарори билан таслим этди (30-27, 29-28, 29-28);

Ўта енгил вазн: Алиби Идирис Оде Осборнни ҳакамлар қарори билан мағлуб этди (29-28, 30-27, 30-27);

Ўта енгил вазн: Олден Кориа Луис Гурулени очколар бўйича ютди (30-27, 30-27 30-27);

Аёллар енгил вазн тоифаси: Жозелин Эдвардс Нора Корноллни иккинчи раундда бўғиш усули билан мағлубиятга учратди;

Ярим ўрта вазн: Пунаэле Сориано Рамиз Брахимайндан ҳакамларнинг якдил қарори билан устун келди (29-28, 29-28, 29-28);

Ярим ўрта вазн: Жан Поль Лебоснояни Филип Роуни ҳакамларнинг айри қарори билан мағлуб этди (29-28, 28-29, 29-28);

Ярим енгил вазн: Жордан Лавитт Ядье дель Валлени очколар бўйича енгди (29-28, 29-28, 29-28);

Аёллар энг енгил вазн: Карли Жудис Жулиана Миллердан ҳакамлар қарорига кўра устун келди (29-28, 29-28, 30-27).