Қўқон белбоғли кураш бўйича жаҳон чемпионатига мезбонлик қилади

Қўқон шаҳридаги Муқумий номидаги маданият ва истироҳат боғида ўтказиладиган мазкур жаҳон чемпионатида Россия, Мўғулистон, Озарбайжон, Беларусь, Исроил, Грузия, Ҳиндистон, Молдова, Руминия, Қозоғистон, Қирғизистон, Тожикистон каби дунёнинг 20 га яқин давлатидан 300 нафарга яқин сара полвонларнинг иштирок этиши кутилмоқда.

Мусобақа Ўзбекистон Республикаси спортни ривожлантириш вазирлиги, Жаҳон белбоғли кураш ассоциацияси (ЖБКА), Фарғона вилояти ҳокимлиги, Фарғона вилояти прократураси, Ўзбекистон Миллий олимпия қўмитаси, Фарғона вилоят спортни ривожлантириш бош бошқармаси, Ўзбекистон белбоғли кураш федерацияси ҳамда қатор вазирлик ва ташкилотлар кўмагида ўтказилади.

Жаҳон чемпионатида белбоғли кураш қоидаларига кўра, белбоғли кураш бўйича ўғил болалар - 42,  -45, -50, -55, -60, -65, -71, -77 , -85, -95, +95 кг. вазн тоифаларида куч синашишса, қизлар  - 44,  -48, -52, -57, -63, -70, +70 кг. вазнларда ғолиблик учун баҳс олиб боришади.

Маълумот учун, “Қўқон ва спорт” шиори остида ўтадиган жаҳон чемпионатининг умумий мукофот жамғармаси 216 000 000 сўмни ташкил этади.

Илҳом РАҲМОНОВ тайёрлади