28 ноя 17:10
Янгиликлар

Болалар спорти

Қорасув маҳалласида замонавий сузиш ҳавзаси фойдаланишга топширилди

Пойтахтимизнинг Миробод тумани Қорасув маҳалласи ҳудудида қуриб фойдаланишга топширилган сузиш ҳавзаси кўп минг сонли аҳолининг қувончига сабаб бўлди.

Ёпиқ турдаги замонавий сузиш ҳавзасининг расмий очилиш маросимида иштирок этганлар мазкур спорт иншооти аҳолини сув спорт турларига қизиқишини ошириш билан бирга, маҳоратли спортчи ёшларнинг камол топишига хизмат қилишини таъкидлади.

Ҳар жиҳатдан замонавий шарт-шароитларга эга сув ҳавзасида бир пайтнинг ўзида 80 нафар киши машғулот ўтказиш имкониятига эга бўлади. Бундан ташқари, сув ҳавзасида сузиш спорт тури билан шуғулланишга иштиёқманд ногиронлиги бўлган шахслар учун ҳам зарур қулайликлар яратилгани эътиборли.